Ш А Г А А — Б И Л Е!

Эртип турар Инек чылы
Ээлчээн дамчыдыпты. 
Эртинелиг тайгалардан
Эргип келген Пар чылы
Шагаа-биле амырлажып,
Чолукшужуп уткуй келди!
Шаг чаагай, шагаа чаагай! 
Чаа келген Пар чылы
Чаартылгалар сөңнээр болзун! 
Бажы бедик дагларлыг , 
Аржаан суглуг Улуг–Хемим,
Улуг, биче дагларым,
Өршээ, өршээ!
Багай чүве ыңай турзун,
Эки чүве бээр турзун! 
Чаштарывыс кадык болзун, 
Чараш, чаагай чурттазыннар! 
Ада-чуртувус тайбың турзун, 
Аал-оранывыс онча-менди турзун!
Өршээ, өршээ!